Tha mi sgìth. Tha an t-àm ann a dhol dhan leabaidh.Ach bha mi airson aon bhrath bloga eile a sgrìobhadh mus teid mi dhan leabaidh agus seo an cuspair: Càirdeas
Mar a tha fìos agaibh, chan eil mòran aig a bheil Gàidhlig. Bhiodh feadhainn ag ràdh nach eil gu leòr dhiubh ann. Tha mise lan dochas ma tha. Ach b' fheudar dhuinn a bhith càirdeil ri cheile agus rinn fhìn cuideachd. Is fheàrr dhuinn taic a chuir ri cheile gus am bidh sinn uile nas soirbheachaile. Bidh e math airson a'Gàidhlig agus bidh e math dhuinn.
Oidhche mhath. 

Seo am bogha-froise a bha ann nuair a bha mi a' tighinn dhachaidh an-dè. Abair fàilte mhath a bha seo. Bha feum agam stad trì tursan airson na dealbhan a thogail.  Am faca sibh rudan breagha an seachdain seo chaidh? 

Tha e dubh dorch' a-nis agus sàmhach. Tha mi a' taidhpeadh agus ath-taidhpeadh a chionns nach robh cuimhne agam air am putan 'sabhail' a phutadh. 
Tha mi ag obair air pròiseact ceangailte ri Mìos na Gàidhlig ach bidh e a tachairt  as t-samhradh. Barrachd air sin am-maireach. Duilich airosn brath-bloga cho goirid. 
beannachd leibh 

Gach Didomonaich bidh mi a' dol gu taigh mo phàrantan airson bracaist. Bidh sinn ag ithe foileagan le dearcan-choille ann (is iad am biadh as fheàrr le mo mhàthair). Co-dhiubh an-dè chaidh mi ann agus dh' ith sinn ar foileagan neonach (tha iad gun gluten agus gun uighean) agus an uair sin thuirt m'athair "A bheil thu airson tighinn comhla rium gu St Elmo?" 'S e baile na taibhse an th'ann an St Elmo agus bha feum aige a dhol ann airson obair. 'S e luachadair taighean a th'ann.
 Cha robh dad eile agam ri dhèanamh agus cha robh mi riamh ann an St. Elmo mar sin bha mi a' smaoineachadh gum bhiodh turas inntinnach ann. 'S ann inntinnach a bha e gu dearbh.
Bha sinn faisg air dà uair a thìde air an rathad gu St Elmo. Thiondaidh sinn sìos an rathad 162 a dh'ionnsaidh St Elmo. Chaidh sinn seachad air fuaran-teth. Thuirt m'athar gum bhiodh e deonach gam fhagail an sin ach cha robh deise snàmh agam agus 's math nach do dh 'fhàg e mi an sin. 
Bha taighean mòra brèagha ann air gach taobh dhen rathaid agus chaidh sinn seachad orra. Dh'fhàs na taighean nas gainne agus na beanntan nas fhaisg. Bha creagan mòra liath ann agus na piosan dhiubh a liathachadh na talmhainn fad mìltean fon na craobhan-ghiuthais agus chum sinn oirnn. 
As dèidh greis stad an 'pavement' (chan eil mi a' ciallachadh an rud air taobh na rathaid ach an rud cruaidh a bhios air an rathad fhein). Chum sinn oirnn. Cha robh ann ach craobhan agus an abhainn agus beagan sneachd anns na àiteachan far nach deach a' grian.  Chaidh sinn seachad air lochan beaga agus barrach craobhan. 
"Chan fhaca tu sanas airson St. Elmo, nach fhaca?" thuirt m'athair barrachd air aon turas.
 "Chan fhaca" fhreagar mi "S' ann mar seo a tha na rathaidean. Tha fhios agad. Agus 's e baile na mèinne a bh' ann St Elmo co-dhiubh."
"Bha rathad-iarainn ann aig aon àm" Thuirt m'athair "S dòcha air an aon rathad air a tha sinn a' draibheadh, no 's dòcha nas ìsle, faisg air an abhainn". 
Mu dheireadh thall rainaig sinn St Elmo. 'S e àite eachdraidheil a th'ann agus a h-uile togalach bhon 1800's. 
Bha liosta de taighean againn agus bha feum againn dealbhan a thogail dhiubh. Bha duilgheadas againn a' chiad taigh a lorg. Bha an aireamh taighe againn ach cha robh aireamhan air an cuid as mòtha de na taighean agus bha na aireamhean a bha ann gar cuir ttoimh chèile. Chuir m' athair roimhe an darna taigh a lorg, bha fios aige gu robh e air an rathad 294. 
Thiondaidh sinn sìos an rathad agus sin nuair a chaidh e cearr dhuinn. Bha drioft beag sneachda air an rathad ach 's latha brèagha blàth Cèitean a bh'ann agus cha do chuir e dragh sam bith air m' athair a bha draibheadh. Cha do chuir gus an do stad an càr. Bha na cuibhlichean a' dol mu cuairt ach cha robh an càr a' gluasad idir.  
Choimhead sinn mu cuairt. Cha spaid againn do rud sam bith eile a bhiodh freagaireach. Thog m' athair an 'ice scraper' agus thog mise bòrd-cliopaichean. Bha m' athair a' toirt an sneachd air falbh bhon cuibhlichean agus bha mise a' faighinn ùir airson a chur fon na cuibhlichean. 
Dh'obair sinn mar sin fad uair a thìde ach cha do ghluais an càr ach troigh no dhà. Mu dheireadh thall chuimhnich mi gun robh aon càr anns a bhaile fhèin agus chaidh sin as a' coiseachd sìos an rathad le dòchas gu robh cuideigin ann a chuideachas sinn. 
Gu fortanach dhuinn bha agus bha spaid aige. Dh'inns e dhuibh nach eil ann ach triùir ann a bha fuireach 'sa bhaile a-nis agus bha sin barrachd na bha ann. Thuirt e cuideachd nach bi e comasach dhuinn an taigh sin a' ruigsinn gus 's dòcha an ath mhìos. 
Co-dhiubh leis a chuideachadh fhuair sinn an càr às agus chaidh sinn dhachaidh is a' grian a dol fodha. 

Bu chòir fios nas fheàrr air a bhith agam. Cha mhair an sneachd seo fada, is dòcha nach mair e an latha ach seo am flùr bhon brath-bloga agam an dè fo cuibhrig geal fuar direach latha às dèidh dhomh ag ràdh gu bheil an t-earrach ann. 
Bidh mi gu tric ag ràdh nach eil an t-earrach againn an seo idir ach aon latha samhraidh agus an ath latha geamhraidh. Tha coltas ann gun robh mi ceart.